Þetta ætlar ekki að ganga hjá mér að blogga nokkuð reglulega..... Ég ætla nú að reyna samt áfram og sjá hvað setur   Það er aldrei að vita nema ég vaxi aðeins í bloggdugnaðinum  
Ég reyndi að vísu að blogga fyrir örfáum dögum og það ætlaði bara alls ekki að hafast að vista færsluna og á endanum gafst ég bara upp !  Þannig að nú verður reynt að blogga á

annagisla.blog.is

Sjáumst þar ef áhugi er á ........

Já haldiði að bíósjúklingurin (not) ég hafi ekki farið ásamt honum Óla mínum í bíó í gærkvöldi   Við fórum að sjá "Þetta er ekkert mál".  Allt í senn ofsalega fróðleg, skemmtileg og sorgleg mynd.   
Það er nú ekki fyndið hvað maður fer sjaldan í bíó ..... ég fer svona einu sinni á tveggja ára fresti    Ekki nokkur frammistaða.  Reyndar er sjónvarpsglápið hjá manni alveg í stíl við  bíóferðirnar.  Ekki fyrir svo löngu síðan fengum við Óli lánaða DVD mynd hjá Sævari.  Þegar hulstrið var búið að vera óopnað uppi í hillu og við ekki búin að koma okkur í að horfa  á myndina í svona rúman mánuð var myndinni skilað

well ég verð að blogga meira seinna því framundan er vigtun á henni Höllu minni og svo tveir fundir.  Annar með Birni Inga Hrafnssyni og svo fyrsti samráðsfundur vetrarins vegna strákanna minna ...

Over and out

Nú er komið að einni tilrauninni enn að blogga svolítið.  Það er nú svo sem ekki mikið frá að segja nema lífið gengur áfram sinn vanagang.  Vandamálið við að næra Höllu litlu er úr sögunni er sú stutta farin að hvolfa í sig mjólkinni og verða nokkurnveginn eins og venjulegt barn   Já og líkjast hinum í fjölskyldunum sínum aðeins meira .....

Núna er minnsti stóri strákurinn minn kominn í skóla !  Mér finnst hann hafa bara verið að fæðast í fyrradag (og Halla þá í gær ....)  Þetta gengur allt alveg rosalega vel hjá honum enda er Rimaskóli að standa sig alveg frábærlega (að mínu mati) við að taka á móti svona gaur eins og Sigurjóni. 
Fyrir helgina fékk Sigurjón að prófa að labba einn í skólann í fyrsta skipti og gekk það bara alveg mjög vel og strákurinn alveg að rifna úr stolti að fara þetta sjálfur   Enda var honum vandlega hrósað fyrir að fara beina leið og vera fljótur á leiðinni.  Í dag fékk hann svo að prófa að labba einn heim og það var eins og við manninn mælt, hann fór beina leið heim eins og stillum strák sæmir   Tíminn líður alveg ofsalega hratt ..... Það er ég viss um að Halla verður komin í skóla áður en ég veit af .......

Stærstu stóru strákarnir mínir eru líka að standa sig alveg stórvel í skólanum.  Kristján Atli fór í síðustu viku með bekknum sínum norður í Reykjaskóla í 3 daga æfintýradvöl þar.  Bekkurinn hans var frá mánudegi til föstudags en Kristján var frá mánudegi til fimmtudags því stuðningurinn sem hann fékk með sér gat ekki verið lengur. 

Sigtryggur Einar er búinn að vera að gera góða hluti í skólanum sem og annarsstaðar.  Hérna heima er nýjasta æðið hjá honum að fara út að hjóla.  Svo þegar hann nennir ekki að hjóla meira fer hann og fylgist með hundum nágrannans og fær stundum að fara með þegar farið er út með þá að ganga.

Jæja vonandi verður þetta til þess að ég komist almennilega í gang við að blogga .....
Við sjáum hvað setur .....

að ég fari að blogga aftur .....

Varð bara að setja þessa mynd inn ..... Mér finnst hún svo endalaust flott

Ó mæ god það er orðinn mánuður síðan að ég bloggaði síðast !  Ég held svei mér þá að bloggletikast hjá mér hafi aldrei enst jafn lengi og í þetta sinn  

Það hefur svo sem ekki mikið á daga mína drifið undanfarið.  Það sem helst hefur verið um að vera hef ég bloggað um á síðunni hennar Höllu Katrínu. 

Strákarnir mínir eru allir búnir að vera hjá pabba sínum og ömmu undanfarna daga.  Fyrst fóru þeir í vikudvöl með ömmu sinni og Önnu systur hennar vestur í Stykkishólm.  Þar voru þeir í góðu yfirlæti og brölluðu margt skemmtilegt.  Amman var auðvitað með myndavél meðferðis og myndirnar má sjá hérna pabba.strakar.net  Þeir skemmtu sér konunglega, fóru í sund, heitan pott í bústaðnum, að veiða, dorga við bryggju, sjóferð og margt fleira skemmtilegt   Komu svo heim til pabba síns kaffibrúnir og sælir   Á meðan að dvölinni í Hólminum stóð átti Sigtryggur Einar 10 ára afmæli.  Hann fékk auðvitað nokkra pakka á afmælisdaginn og afmælisveislu og svo þegar heim kom þá fórum við Óli og Halla Katrín í heimsókn til þeirra feðga og héldum smá auka afmælisveislu  
Í þessari viku eru strákarnir búnir að vera heima hjá pabba sínum og á leikjanámskeiðinu.  Á föstudaginn fara þeir svo feðgar í sumarbústað við Apavatn og verða þar í viku.

Unginn minn hún Halla kallar ....
meira síðar

Já í morgun dreif ég mig niður í Fjölskyldu og húsdýragarð með Kristján Atla og Sigtrygg Einar.  Við ákváðum að leyfa þeim feðginum, Óla og Höllu Katrínu að lúra í friði og ró, og drifum okkur út í góða veðrið   Við komum niður í Húsdýragarð um klukkan 10:30 og það var varla sála þar á ferð nema starfsfólkið og við   Það var sko ekkert verra að það væru fáir á ferð.  Kristján Atli fékk slatta af leiktækjamiðum og fór svo í hvert tækið á fætur öðru og í flest þeirra einn ...... En honum fannst það sko ekkert verra   Á meðan Kristján var í tækjunum fórum við Sigtryggur um og heilsuðum upp á dýrin   Sigtryggur þurfti að heilsa upp á þau öll, ja nema kannski kalkúnana en þeir eru stórhættulegir gripir sem ætti að slátra að hans mati ..... Hann vill ekki einu sinni labba nálægt girðingunni þeirra nema þá að halda vandlega fyrir eyrum meðan gengið er framhjá ......  Málið er að kalkúnar gefa frá sér hlóð (sem ég veit hreinlega ekki hvað kallast) sem að Sigtryggur þolir alls ekki ..... það er eiginlega eins og að hann meiði sig ef hann heyrir þetta hljóð
Ég ákvað að taka með mér myndavélina og tók slatta af myndum .... eða það fannst mér allavega.  En þegar ég kom heim og fór að spóla af vélinni inn í tölvuna kom í ljós að ég var búin að taka 245 myndir   Já, ég missti mig eiginlega svolítið við myndatökurnar sko ..... hehe   Ég er búin að setja inn nokkrar á annapanna.is   Ég ætla að setja fleiri inn á morgun.
Í hádeginu fór ég með strákana í veitingasöluna í húsdýragarðinum og bauð þeim upp á hamborgara í hádegismat   Áður en við fórum heim röltum við aðeins inn í Grasagarðinn og skoðuðum okkur um þar.  Eins og flestir vita er mikið af öndum og gæsum þar og Sigtryggur minn byrjaði að hlaupa að þeim og láta þær fljúga upp.  Ég skammaði hann auðvitað og sagði honum að hætta að stríða öndunum ..... Svarið sem ég fékk var: "mamma, ég er ekki að stríða ! Ég er að kenna þeim að fljúga !"

Já það hlaut að koma að því að ég gæfi mér tíma til að blogga obbolítið.  Það er ekki svo að það sé mikið að frétta af mér, ég er bara heima og hitti ekki mikið að fólki en svolítið þó .....

Eins og kannski flestir eru búnir að frétta þá kom Halla Katrín litla heim s.l. föstudag   Mikið svakalega voru synir mínir fegnir ..... Kristján Atli sagði við mig núna einn daginn eftir að hún kom heim: "mamma, nú þarftu ekkert að flýta þér ....."  Annars verð ég eiginlega að segja að stóru strákarnir mínir þeir Kristján Atli og Sigtryggur Einar hafa staðið sig alveg ótrúlega vel í gegnum þennan tíma sem Halla litla var á vökudeildinni og við sinntum henni þar og þeim hérna heima.  Ég hefði ekki trúað því að óreyndu að þeir yrðu svona góðir og þolinmóðir við okkur.  Þeir eru ótrúlega duglegir strákar   Daginn sem að Halla kom heim fóru þeir í helgardvöl til pabba síns og Sigurjón Stefán kom til okkar Óla.   Þeir stóru voru eiginlega svolítið svekktir þegar þeir sáu að þetta rækist svona saman og þær gætu ekki verið hjá litlu systir fyrstu dagana heima. 
Ég útskýrði fyrir þeim að hún yrði sko ennþá hjá okkur þegar þeir kæmu aftur heim og svo fengu þeir nýjan DVD disk í sárabætur   Nýja diskinn, Litli kjúlli

Í síðustu viku brá ég mér út í Hagkaup með Kristján Atla með mér í þeim erindagjörðum að kaupa strigaskó á drenginn.  Úrvalið í "okkar Hagkaup" í Spönginni er nú ekki gott en á endanum fundum við skó sem vert var að máta og drengurinn byrjaði að máta ....... Endirinn var sá að ég labbaði út með skó númer 42 á 12 ára gamlan son minn !!!! Hvar endar þetta eiginlega ?!?!?!

Lengra verður þetta ekki þetta sinn ..... Over and out

Þetta er fengið "að láni" á bloggsíðu hjá kunningjakonu minni

- Í mörgum bandarískum fylkjum er vegalögreglan með 10 lítra af kóki í bílunum hjá sér til að þrífa blóð af vegum eftir umferðarslys.

- Þú getur sett T-Bone steik í skál af kóki og hún verður horfin eftir 2 daga.

- Til að hreinsa klósettið: Helltu einni dós af kók ofan í klósetið, bíddu í eina klukkustund og sturtaðu svo niður. Sýran í kókinu leysir upp bletti.

- Til að fjarlægja ryðbletti af krómstuðurum: Dýfðu krumpuðum álpappír í kók og nuddaðu stuðarann.

- Til að hreinsa rafgeyminn í bílnum: Helltu einni dós af kók yfir rafgeymatengslin.

- Til að losa ryðgaðan bolta (skrúfu). Rennbleyttu tusku með kóki og haltu henni að boltanum í nokkrar mínútur.

- Til að fjarlægja fitubletti úr fatnaði: Helltu einni dós af kók í þvottavélina bættu við þvottaefni og þvoðu eins og venjulega. Kókið leysir upp fitublettina.

- Framrúðan á bílnum þínum hreinsast líka vel með kóki.
- Virka efnið í kók er phosphoric acid.

- Ph í kók er 2.8. Það getur leyst upp nögl á ca fjórum dögum.

- Til að flytja Coca-Cola sýrópið (fullan styrk) þurfa vöruflutningabifreiðar að hafa á sér viðvörunarskilti sem einungis eru notuð á bíla sem flytja ætandi efni

- Dreifingaraðilar Coca-Cola hafa notað gosdrykkinn í um það bil 20 ár til að hreinsa vélarnar í trukkunum hjá sér.

Jahérna hér..þetta er viðbjóður, samt drekkur maður þetta ógeð...

Langar þér núna í ískalt Coca-Cola??